יחז14

ידא וַיָּבוֹא אֵלַי אֲנָשִׁים מִזִּקְנֵי יִשְׂרָאֵל וַיֵּשְׁבוּ לְפָנָי.

ידב וַיְהִי דְבַר-יְהוָה אֵלַי לֵאמֹר. ידג בֶּן-אָדָם הָאֲנָשִׁים הָאֵלֶּה הֶעֱלוּ גִלּוּלֵיהֶם עַל-לִבָּם וּמִכְשׁוֹל עֲוֹנָם נָתְנוּ נֹכַח פְּנֵיהֶם: הַאִדָּרֹשׁ אִדָּרֵשׁ לָהֶם.

ידד לָכֵן דַּבֵּר-אוֹתָם וְאָמַרְתָּ אֲלֵיהֶם כֹּה-אָמַר אֲדֹנָי יְהוִה אִישׁ אִישׁ מִבֵּית יִשְׂרָאֵל אֲשֶׁר יַעֲלֶה אֶת-גִּלּוּלָיו אֶל-לִבּוֹ וּמִכְשׁוֹל עֲוֹנוֹ יָשִׂים נֹכַח פָּנָיו וּבָא אֶל-הַנָּבִיא: אֲנִי יְהוָה נַעֲנֵיתִי לוֹ בה (בָא)בְּרֹב גִּלּוּלָיו. ידה לְמַעַן תְּפֹשׂ אֶת-בֵּית-יִשְׂרָאֵל בְּלִבָּם אֲשֶׁר נָזֹרוּ מֵעָלַי בְּגִלּוּלֵיהֶם כֻּלָּם.

ידו לָכֵן אֱמֹר אֶל-בֵּית יִשְׂרָאֵל כֹּה אָמַר אֲדֹנָי יְהוִה שׁוּבוּ וְהָשִׁיבוּ מֵעַל גִּלּוּלֵיכֶם וּמֵעַל כָּל-תּוֹעֲבֹתֵיכֶם הָשִׁיבוּ פְנֵיכֶם. ידז כִּי אִישׁ אִישׁ מִבֵּית יִשְׂרָאֵל וּמֵהַגֵּר אֲשֶׁר-יָגוּר בְּיִשְׂרָאֵל וְיִנָּזֵר מֵאַחֲרַי וְיַעַל גִּלּוּלָיו אֶל-לִבּוֹ וּמִכְשׁוֹל עֲוֹנוֹ יָשִׂים נֹכַח פָּנָיו וּבָא אֶל-הַנָּבִיא לִדְרָשׁ-לוֹ בִיאֲנִי יְהוָה נַעֲנֶה-לּוֹ בִּי. ידח וְנָתַתִּי פָנַי בָּאִישׁ הַהוּא וַהֲשִׂמֹתִיהוּ לְאוֹת וְלִמְשָׁלִים וְהִכְרַתִּיו מִתּוֹךְ עַמִּי וִידַעְתֶּם כִּי-אֲנִי יְהוָה.

ידט וְהַנָּבִיא כִי-יְפֻתֶּה וְדִבֶּר דָּבָראֲנִי יְהוָה פִּתֵּיתִי אֵת הַנָּבִיא הַהוּא וְנָטִיתִי אֶת-יָדִי עָלָיו וְהִשְׁמַדְתִּיו מִתּוֹךְ עַמִּי יִשְׂרָאֵל. ידי וְנָשְׂאוּ עֲוֹנָם: כַּעֲוֹן הַדֹּרֵשׁכַּעֲוֹן הַנָּבִיא יִהְיֶה. ידיא לְמַעַן לֹא-יִתְעוּ עוֹד בֵּית-יִשְׂרָאֵל מֵאַחֲרַי וְלֹא-יִטַּמְּאוּ עוֹד בְּכָל-פִּשְׁעֵיהֶם וְהָיוּ-לִי לְעָם וַאֲנִי אֶהְיֶה לָהֶם לֵאלֹהִיםנְאֻם אֲדֹנָי יְהוִה.

ידיב וַיְהִי דְבַר-יְהוָה אֵלַי לֵאמֹר. ידיג בֶּן-אָדָם אֶרֶץ כִּי תֶחֱטָא-לִי לִמְעָל-מַעַל וְנָטִיתִי יָדִי עָלֶיהָ וְשָׁבַרְתִּי לָהּ מַטֵּה-לָחֶם וְהִשְׁלַחְתִּי-בָהּ רָעָב וְהִכְרַתִּי מִמֶּנָּה אָדָם וּבְהֵמָה. ידיד וְהָיוּ שְׁלֹשֶׁת הָאֲנָשִׁים הָאֵלֶּה בְּתוֹכָהּנֹחַ דנאל (דָּנִיֵּאל) וְאִיּוֹב: הֵמָּה בְצִדְקָתָם יְנַצְּלוּ נַפְשָׁם נְאֻם אֲדֹנָי יְהוִה. ידטו לוּ-חַיָּה רָעָה אַעֲבִיר בָּאָרֶץ וְשִׁכְּלָתָּה וְהָיְתָה שְׁמָמָה מִבְּלִי עוֹבֵר מִפְּנֵי הַחַיָּה. ידטז שְׁלֹשֶׁת הָאֲנָשִׁים הָאֵלֶּה בְּתוֹכָהּחַי-אָנִי נְאֻם אֲדֹנָי יְהוִה אִם-בָּנִים וְאִם-בָּנוֹת יַצִּילוּ: הֵמָּה לְבַדָּם יִנָּצֵלוּ וְהָאָרֶץ תִּהְיֶה שְׁמָמָה. ידיז אוֹ חֶרֶב אָבִיא עַל-הָאָרֶץ הַהִיא וְאָמַרְתִּי חֶרֶב תַּעֲבֹר בָּאָרֶץ וְהִכְרַתִּי מִמֶּנָּה אָדָם וּבְהֵמָה. ידיח וּשְׁלֹשֶׁת הָאֲנָשִׁים הָאֵלֶּה בְּתוֹכָהּחַי-אָנִי נְאֻם אֲדֹנָי יְהוִה לֹא יַצִּילוּ בָּנִים וּבָנוֹת: כִּי הֵם לְבַדָּם יִנָּצֵלוּ. ידיט אוֹ דֶּבֶר אֲשַׁלַּח אֶל-הָאָרֶץ הַהִיא וְשָׁפַכְתִּי חֲמָתִי עָלֶיהָ בְּדָם לְהַכְרִית מִמֶּנָּה אָדָם וּבְהֵמָה. ידכ וְנֹחַ דנאל (דָּנִיֵּאל) וְאִיּוֹב בְּתוֹכָהּחַי-אָנִי נְאֻם אֲדֹנָי יְהוִה אִם-בֵּן אִם-בַּת יַצִּילוּ: הֵמָּה בְצִדְקָתָם יַצִּילוּ נַפְשָׁם.

ידכא כִּי כֹה אָמַר אֲדֹנָי יְהוִה אַף כִּי-אַרְבַּעַת שְׁפָטַי הָרָעִים חֶרֶב וְרָעָב וְחַיָּה רָעָה וָדֶבֶר שִׁלַּחְתִּי אֶל-יְרוּשָׁלִָםלְהַכְרִית מִמֶּנָּה אָדָם וּבְהֵמָה. ידכב וְהִנֵּה נוֹתְרָה-בָּהּ פְּלֵטָה הַמּוּצָאִים בָּנִים וּבָנוֹתהִנָּם יוֹצְאִים אֲלֵיכֶם וּרְאִיתֶם אֶת-דַּרְכָּם וְאֶת-עֲלִילוֹתָם וְנִחַמְתֶּם עַל-הָרָעָה אֲשֶׁר הֵבֵאתִי עַל-יְרוּשָׁלִַםאֵת כָּל-אֲשֶׁר הֵבֵאתִי עָלֶיהָ. ידכג וְנִחֲמוּ אֶתְכֶם כִּי-תִרְאוּ אֶת-דַּרְכָּם וְאֶת-עֲלִילוֹתָם וִידַעְתֶּם כִּי לֹא חִנָּם עָשִׂיתִי אֵת כָּל-אֲשֶׁר-עָשִׂיתִי בָהּנְאֻם אֲדֹנָי יְהוִה.