Ezekiel 35
Orthodox Jewish Hebrew Bible
יחז35

להא וַיְהִי דְבַר-יְהוָה אֵלַי לֵאמֹר. להב בֶּן-אָדָם שִׂים פָּנֶיךָ עַל-הַר שֵׂעִיר וְהִנָּבֵא עָלָיו. להג וְאָמַרְתָּ לּוֹ כֹּה אָמַר אֲדֹנָי יְהוִה הִנְנִי אֵלֶיךָ הַר-שֵׂעִיר וְנָטִיתִי יָדִי עָלֶיךָ וּנְתַתִּיךָ שְׁמָמָה וּמְשַׁמָּה. להד עָרֶיךָ חָרְבָּה אָשִׂים וְאַתָּה שְׁמָמָה תִהְיֶה וְיָדַעְתָּ כִּי-אֲנִי יְהוָה. להה יַעַן הֱיוֹת לְךָ אֵיבַת עוֹלָם וַתַּגֵּר אֶת-בְּנֵי-יִשְׂרָאֵל עַל-יְדֵי-חָרֶבבְּעֵת אֵידָם בְּעֵת עֲוֹן קֵץ. להו לָכֵן חַי-אָנִי נְאֻם אֲדֹנָי יְהוִה כִּי-לְדָם אֶעֶשְׂךָ וְדָם יִרְדְּפֶךָ אִם-לֹא דָם שָׂנֵאתָ וְדָם יִרְדְּפֶךָ. להז וְנָתַתִּי אֶת-הַר שֵׂעִיר לְשִׁמְמָה וּשְׁמָמָה וְהִכְרַתִּי מִמֶנּוּ עֹבֵר וָשָׁב. להח וּמִלֵּאתִי אֶת-הָרָיו חֲלָלָיו גִּבְעוֹתֶיךָ וְגֵיאוֹתֶיךָ וְכָל-אֲפִיקֶיךָ חַלְלֵי-חֶרֶב יִפְּלוּ בָהֶם. להט שִׁמְמוֹת עוֹלָם אֶתֶּנְךָ וְעָרֶיךָ לֹא תישבנה (תָשׁוֹבְנָה) וִידַעְתֶּם כִּי-אֲנִי יְהוָה. להי יַעַן אֲמָרְךָ אֶת-שְׁנֵי הַגּוֹיִם וְאֶת-שְׁתֵּי הָאֲרָצוֹת לִי תִהְיֶינָהוִירַשְׁנוּהָ וַיהוָה שָׁם הָיָה.

להיא לָכֵן חַי-אָנִי נְאֻם אֲדֹנָי יְהוִה וְעָשִׂיתִי כְּאַפְּךָ וּכְקִנְאָתְךָ אֲשֶׁר עָשִׂיתָה מִשִּׂנְאָתֶיךָ בָּם וְנוֹדַעְתִּי בָם כַּאֲשֶׁר אֶשְׁפְּטֶךָ. להיב וְיָדַעְתָּ כִּי אֲנִי יְהוָה שָׁמַעְתִּי אֶת-כָּל-נָאָצוֹתֶיךָ אֲשֶׁר אָמַרְתָּ עַל-הָרֵי יִשְׂרָאֵל לֵאמֹר שממה (שָׁמֵמוּ): לָנוּ נִתְּנוּ לְאָכְלָה. להיג וַתַּגְדִּילוּ עָלַי בְּפִיכֶם וְהַעְתַּרְתֶּם עָלַי דִּבְרֵיכֶם: אֲנִי שָׁמָעְתִּי.

להיד כֹּה אָמַר אֲדֹנָי יְהוִה: כִּשְׂמֹחַ כָּל-הָאָרֶץ שְׁמָמָה אֶעֱשֶׂה-לָּךְ. להטו כְּשִׂמְחָתְךָ לְנַחֲלַת בֵּית-יִשְׂרָאֵל עַל אֲשֶׁר-שָׁמֵמָהכֵּן אֶעֱשֶׂה-לָּךְ: שְׁמָמָה תִהְיֶה הַר-שֵׂעִיר וְכָל-אֱדוֹם כֻּלָּהּ וְיָדְעוּ כִּי-אֲנִי יְהוָה.

THE Orthodox Jewish Hebrew Bible
Copyright © 2015-2016
by Artists for Israel International.

All rights reserved
OrthodoxJewishBible.org
Used by permission.

Bible Hub
Ezekiel 34
Top of Page
Top of Page