עזרא10

ע יא וּכְהִתְפַּלֵּל עֶזְרָא וּכְהִתְוַדֹּתוֹ בֹּכֶה וּמִתְנַפֵּל לִפְנֵי בֵּית הָאֱלֹהִים: נִקְבְּצוּ אֵלָיו מִיִּשְׂרָאֵל קָהָל רַב-מְאֹד אֲנָשִׁים וְנָשִׁים וִילָדִיםכִּי-בָכוּ הָעָם הַרְבֵּה-בֶכֶה.

ע יב וַיַּעַן שְׁכַנְיָה בֶן-יְחִיאֵל מִבְּנֵי עולם (עֵילָם) וַיֹּאמֶר לְעֶזְרָאאֲנַחְנוּ מָעַלְנוּ בֵאלֹהֵינוּ וַנֹּשֶׁב נָשִׁים נָכְרִיּוֹת מֵעַמֵּי הָאָרֶץ וְעַתָּה יֵשׁ-מִקְוֶה לְיִשְׂרָאֵל עַל-זֹאת. ע יג וְעַתָּה נִכְרָת-בְּרִית לֵאלֹהֵינוּ לְהוֹצִיא כָל-נָשִׁים וְהַנּוֹלָד מֵהֶם בַּעֲצַת אֲדֹנָי וְהַחֲרֵדִים בְּמִצְוַת אֱלֹהֵינוּ וְכַתּוֹרָה יֵעָשֶׂה. ע יד קוּם כִּי-עָלֶיךָ הַדָּבָר וַאֲנַחְנוּ עִמָּךְ: חֲזַק וַעֲשֵׂה.

ע יה וַיָּקָם עֶזְרָא וַיַּשְׁבַּע אֶת-שָׂרֵי הַכֹּהֲנִים הַלְוִיִּם וְכָל-יִשְׂרָאֵל לַעֲשׂוֹת כַּדָּבָר הַזֶּהוַיִּשָּׁבֵעוּ. ע יו וַיָּקָם עֶזְרָא מִלִּפְנֵי בֵּית הָאֱלֹהִים וַיֵּלֶךְ אֶל-לִשְׁכַּת יְהוֹחָנָן בֶּן-אֶלְיָשִׁיב וַיֵּלֶךְ שָׁם לֶחֶם לֹא-אָכַל וּמַיִם לֹא-שָׁתָהכִּי מִתְאַבֵּל עַל-מַעַל הַגּוֹלָה.

ע יז וַיַּעֲבִירוּ קוֹל בִּיהוּדָה וִירוּשָׁלִַם לְכֹל בְּנֵי הַגּוֹלָהלְהִקָּבֵץ יְרוּשָׁלִָם. ע יח וְכֹל אֲשֶׁר לֹא-יָבוֹא לִשְׁלֹשֶׁת הַיָּמִים כַּעֲצַת הַשָּׂרִים וְהַזְּקֵנִיםיָחֳרַם כָּל-רְכוּשׁוֹ וְהוּא יִבָּדֵל מִקְּהַל הַגּוֹלָה.

ע יט וַיִּקָּבְצוּ כָל-אַנְשֵׁי-יְהוּדָה וּבִנְיָמִן יְרוּשָׁלִַם לִשְׁלֹשֶׁת הַיָּמִים הוּא חֹדֶשׁ הַתְּשִׁיעִיבְּעֶשְׂרִים בַּחֹדֶשׁ וַיֵּשְׁבוּ כָל-הָעָם בִּרְחוֹב בֵּית הָאֱלֹהִים מַרְעִידִים עַל-הַדָּבָר וּמֵהַגְּשָׁמִים.

ע יי וַיָּקָם עֶזְרָא הַכֹּהֵן וַיֹּאמֶר אֲלֵהֶם אַתֶּם מְעַלְתֶּם וַתֹּשִׁיבוּ נָשִׁים נָכְרִיּוֹתלְהוֹסִיף עַל-אַשְׁמַת יִשְׂרָאֵל. ע ייא וְעַתָּה תְּנוּ תוֹדָה לַיהוָה אֱלֹהֵי-אֲבֹתֵיכֶםוַעֲשׂוּ רְצוֹנוֹ וְהִבָּדְלוּ מֵעַמֵּי הָאָרֶץ וּמִן-הַנָּשִׁים הַנָּכְרִיּוֹת. ע ייב וַיַּעֲנוּ כָל-הַקָּהָל וַיּאמְרוּ קוֹל גָּדוֹל: כֵּן כדבריך (כִּדְבָרְךָ) עָלֵינוּ לַעֲשׂוֹת. ע ייג אֲבָל הָעָם רָב וְהָעֵת גְּשָׁמִים וְאֵין כֹּחַ לַעֲמוֹד בַּחוּץ וְהַמְּלָאכָה לֹא-לְיוֹם אֶחָד וְלֹא לִשְׁנַיִםכִּי-הִרְבִּינוּ לִפְשֹׁעַ בַּדָּבָר הַזֶּה. ע ייד יַעַמְדוּ-נָא שָׂרֵינוּ לְכָל-הַקָּהָל וְכֹל אֲשֶׁר בֶּעָרֵינוּ הַהֹשִׁיב נָשִׁים נָכְרִיּוֹת יָבֹא לְעִתִּים מְזֻמָּנִים וְעִמָּהֶם זִקְנֵי-עִיר וָעִיר וְשֹׁפְטֶיהָ: עַד לְהָשִׁיב חֲרוֹן אַף-אֱלֹהֵינוּ מִמֶּנּוּעַד לַדָּבָר הַזֶּה.

ע יטו אַךְ יוֹנָתָן בֶּן-עֲשָׂהאֵל וְיַחְזְיָה בֶן-תִּקְוָה עָמְדוּ עַל-זֹאת וּמְשֻׁלָּם וְשַׁבְּתַי הַלֵּוִי עֲזָרֻם. ע יטז וַיַּעֲשׂוּ-כֵן בְּנֵי הַגּוֹלָה וַיִּבָּדְלוּ עֶזְרָא הַכֹּהֵן אֲנָשִׁים רָאשֵׁי הָאָבוֹת לְבֵית אֲבֹתָם וְכֻלָּם בְּשֵׁמוֹת וַיֵּשְׁבוּ בְּיוֹם אֶחָד לַחֹדֶשׁ הָעֲשִׂירִי לְדַרְיוֹשׁ הַדָּבָר. ע ייז וַיְכַלּוּ בַכֹּלאֲנָשִׁים הַהֹשִׁיבוּ נָשִׁים נָכְרִיּוֹת: עַד יוֹם אֶחָד לַחֹדֶשׁ הָרִאשׁוֹן.

ע ייח וַיִּמָּצֵא מִבְּנֵי הַכֹּהֲנִים אֲשֶׁר הֹשִׁיבוּ נָשִׁים נָכְרִיּוֹת: מִבְּנֵי יֵשׁוּעַ בֶּן-יוֹצָדָק וְאֶחָיומַעֲשֵׂיָה וֶאֱלִיעֶזֶר וְיָרִיב וּגְדַלְיָה. ע ייט וַיִּתְּנוּ יָדָם לְהוֹצִיא נְשֵׁיהֶם וַאֲשֵׁמִים אֵיל-צֹאן עַל-אַשְׁמָתָם. ע יכ וּמִבְּנֵי אִמֵּר חֲנָנִי וּזְבַדְיָה. ע יכא וּמִבְּנֵי חָרִםמַעֲשֵׂיָה וְאֵלִיָּה וּשְׁמַעְיָה וִיחִיאֵל וְעֻזִּיָּה. ע יכב וּמִבְּנֵי פַּשְׁחוּראֶלְיוֹעֵינַי מַעֲשֵׂיָה יִשְׁמָעֵאל נְתַנְאֵל יוֹזָבָד וְאֶלְעָשָׂה. ע יכג וּמִן-הַלְוִיִּםיוֹזָבָד וְשִׁמְעִי וְקֵלָיָה הוּא קְלִיטָא פְּתַחְיָה יְהוּדָה וֶאֱלִיעֶזֶר. ע יכד וּמִן-הַמְשֹׁרְרִים אֶלְיָשִׁיב וּמִן-הַשֹּׁעֲרִים שַׁלֻּם וָטֶלֶם וְאוּרִי. ע יכה וּמִיִּשְׂרָאֵלמִבְּנֵי פַרְעֹשׁ רַמְיָה וְיִזִּיָּה וּמַלְכִּיָּה וּמִיָּמִן וְאֶלְעָזָר וּמַלְכִּיָּה וּבְנָיָה. ע יכו וּמִבְּנֵי עֵילָםמַתַּנְיָה זְכַרְיָה וִיחִיאֵל וְעַבְדִּי וִירֵמוֹת וְאֵלִיָּה. ע יכז וּמִבְּנֵי זַתּוּאאֶלְיוֹעֵנַי אֶלְיָשִׁיב מַתַּנְיָה וִירֵמוֹת וְזָבָד וַעֲזִיזָא. ע יכח וּמִבְּנֵי בֵּבָייְהוֹחָנָן חֲנַנְיָה זַבַּי עַתְלָי. ע יכט וּמִבְּנֵי בָּנִימְשֻׁלָּם מַלּוּךְ וַעֲדָיָה יָשׁוּב וּשְׁאָל ירמות (וְרָמוֹת). ע יל וּמִבְּנֵי פַּחַת מוֹאָב עַדְנָא וּכְלָל בְּנָיָה מַעֲשֵׂיָה מַתַּנְיָה בְצַלְאֵל וּבִנּוּי וּמְנַשֶּׁה. ע ילא וּבְנֵי חָרִםאֱלִיעֶזֶר יִשִּׁיָּה מַלְכִּיָּה שְׁמַעְיָה שִׁמְעוֹן. ע ילב בִּנְיָמִן מַלּוּךְ שְׁמַרְיָה. ע ילג מִבְּנֵי חָשֻׁםמַתְּנַי מַתַּתָּה זָבָד אֱלִיפֶלֶט יְרֵמַי מְנַשֶּׁה שִׁמְעִי. ע ילד מִבְּנֵי בָנִי מַעֲדַי עַמְרָם וְאוּאֵל. ע ילה בְּנָיָה בֵדְיָה כלוהי (כְּלוּהוּ). ע ילו וַנְיָה מְרֵמוֹת אֶלְיָשִׁיב. ע ילז מַתַּנְיָה מַתְּנַי ויעשו (וְיַעֲשָׂי). ע ילח וּבָנִי וּבִנּוּי שִׁמְעִי. ע ילט וְשֶׁלֶמְיָה וְנָתָן וַעֲדָיָה. ע ימ מַכְנַדְבַי שָׁשַׁי שָׁרָי. ע ימא עֲזַרְאֵל וְשֶׁלֶמְיָהוּ שְׁמַרְיָה. ע ימב שַׁלּוּם אֲמַרְיָה יוֹסֵף. ע ימג מִבְּנֵי נְבוֹיְעִיאֵל מַתִּתְיָה זָבָד זְבִינָא ידו (יַדַּי) וְיוֹאֵל בְּנָיָה. ע ימד כָּל-אֵלֶּה נשאי (נָשְׂאוּ) נָשִׁים נָכְרִיּוֹת וְיֵשׁ מֵהֶם נָשִׁים וַיָּשִׂימוּ בָּנִים.