ישע26

כוא בַּיּוֹם הַהוּא יוּשַׁר הַשִּׁיר-הַזֶּה בְּאֶרֶץ יְהוּדָה עִיר עָז-לָנוּ יְשׁוּעָה יָשִׁית חוֹמוֹת וָחֵל. כוב פִּתְחוּ שְׁעָרִים וְיָבֹא גוֹי-צַדִּיק שֹׁמֵר אֱמֻנִים. כוג יֵצֶר סָמוּךְ תִּצֹּר שָׁלוֹם שָׁלוֹם: כִּי בְךָ בָּטוּחַ. כוד בִּטְחוּ בַיהוָה עֲדֵי-עַד: כִּי בְּיָהּ יְהוָה צוּר עוֹלָמִים. כוה כִּי הֵשַׁח יֹשְׁבֵי מָרוֹם קִרְיָה נִשְׂגָּבָה יַשְׁפִּילֶנָּה יַשְׁפִּילָהּ עַד-אֶרֶץ יַגִּיעֶנָּה עַד-עָפָר. כוו תִּרְמְסֶנָּה רָגֶל רַגְלֵי עָנִי פַּעֲמֵי דַלִּים. כוז אֹרַח לַצַּדִּיק מֵישָׁרִים: יָשָׁר מַעְגַּל צַדִּיק תְּפַלֵּס. כוח אַף אֹרַח מִשְׁפָּטֶיךָ יְהוָה קִוִּינוּךָלְשִׁמְךָ וּלְזִכְרְךָ תַּאֲוַת-נָפֶשׁ. כוט נַפְשִׁי אִוִּיתִךָ בַּלַּיְלָה אַף-רוּחִי בְקִרְבִּי אֲשַׁחֲרֶךָּ: כִּי כַּאֲשֶׁר מִשְׁפָּטֶיךָ לָאָרֶץצֶדֶק לָמְדוּ יֹשְׁבֵי תֵבֵל. כוי יֻחַן רָשָׁע בַּל-לָמַד צֶדֶק בְּאֶרֶץ נְכֹחוֹת יְעַוֵּל וּבַל-יִרְאֶה גֵּאוּת יְהוָה.

כויא יְהוָה רָמָה יָדְךָ בַּל-יֶחֱזָיוּן: יֶחֱזוּ וְיֵבֹשׁוּ קִנְאַת-עָם אַף-אֵשׁ צָרֶיךָ תֹאכְלֵם.

כויב יְהוָה תִּשְׁפֹּת שָׁלוֹם לָנוּ: כִּי גַּם כָּל-מַעֲשֵׂינוּ פָּעַלְתָּ לָּנוּ.

כויג יְהוָה אֱלֹהֵינוּ בְּעָלוּנוּ אֲדֹנִים זוּלָתֶךָ לְבַד-בְּךָ נַזְכִּיר שְׁמֶךָ. כויד מֵתִים בַּל-יִחְיוּרְפָאִים בַּל-יָקֻמוּ לָכֵן פָּקַדְתָּ וַתַּשְׁמִידֵם וַתְּאַבֵּד כָּל-זֵכֶר לָמוֹ. כוטו יָסַפְתָּ לַגּוֹי יְהוָה יָסַפְתָּ לַגּוֹי נִכְבָּדְתָּ רִחַקְתָּ כָּל-קַצְוֵי-אָרֶץ.

כוטז יְהוָה בַּצַּר פְּקָדוּךָ צָקוּן לַחַשׁ מוּסָרְךָ לָמוֹ. כויז כְּמוֹ הָרָה תַּקְרִיב לָלֶדֶת תָּחִיל תִּזְעַק בַּחֲבָלֶיהָכֵּן הָיִינוּ מִפָּנֶיךָ יְהוָה. כויח הָרִינוּ חַלְנוּ כְּמוֹ יָלַדְנוּ רוּחַ יְשׁוּעֹת בַּל-נַעֲשֶׂה אֶרֶץ וּבַל-יִפְּלוּ יֹשְׁבֵי תֵבֵל. כויט יִחְיוּ מֵתֶיךָ נְבֵלָתִי יְקוּמוּן הָקִיצוּ וְרַנְּנוּ שֹׁכְנֵי עָפָר כִּי טַל אוֹרֹת טַלֶּךָ וָאָרֶץ רְפָאִים תַּפִּיל.

כוכ לֵךְ עַמִּי בֹּא בַחֲדָרֶיךָ וּסְגֹר דלתיך (דְּלָתְךָ) בַּעֲדֶךָ חֲבִי כִמְעַט-רֶגַע עַד-יעבור- (יַעֲבָר-) זָעַם. כוכא כִּי-הִנֵּה יְהוָה יֹצֵא מִמְּקוֹמוֹ לִפְקֹד עֲוֹן יֹשֵׁב-הָאָרֶץ עָלָיו וְגִלְּתָה הָאָרֶץ אֶת-דָּמֶיהָ וְלֹא-תְכַסֶּה עוֹד עַל-הֲרוּגֶיהָ.