ירמ12

יבא צַדִּיק אַתָּה יְהוָה כִּי אָרִיב אֵלֶיךָ אַךְ מִשְׁפָּטִים אֲדַבֵּר אֹתָךְ מַדּוּעַ דֶּרֶךְ רְשָׁעִים צָלֵחָה שָׁלוּ כָּל-בֹּגְדֵי בָגֶד. יבב נְטַעְתָּם גַּם-שֹׁרָשׁוּיֵלְכוּ גַּם-עָשׂוּ פֶרִי קָרוֹב אַתָּה בְּפִיהֶם וְרָחוֹק מִכִּלְיוֹתֵיהֶם. יבג וְאַתָּה יְהוָה יְדַעְתָּנִיתִּרְאֵנִי וּבָחַנְתָּ לִבִּי אִתָּךְ הַתִּקֵם כְּצֹאן לְטִבְחָה וְהַקְדִּשֵׁם לְיוֹם הֲרֵגָה.

יבד עַד-מָתַי תֶּאֱבַל הָאָרֶץ וְעֵשֶׂב כָּל-הַשָּׂדֶה יִיבָשׁ מֵרָעַת יֹשְׁבֵי-בָהּ סָפְתָה בְהֵמוֹת וָעוֹףכִּי אָמְרוּ לֹא יִרְאֶה אֶת-אַחֲרִיתֵנוּ. יבה כִּי אֶת-רַגְלִים רַצְתָּה וַיַּלְאוּךָ וְאֵיךְ תְּתַחֲרֶה אֶת-הַסּוּסִים וּבְאֶרֶץ שָׁלוֹם אַתָּה בוֹטֵחַ וְאֵיךְ תַּעֲשֶׂה בִּגְאוֹן הַיַּרְדֵּן. יבו כִּי גַם-אַחֶיךָ וּבֵית-אָבִיךָ גַּם-הֵמָּה בָּגְדוּ בָךְגַּם-הֵמָּה קָרְאוּ אַחֲרֶיךָ מָלֵא אַל-תַּאֲמֵן בָּם כִּי-יְדַבְּרוּ אֵלֶיךָ טוֹבוֹת.

יבז עָזַבְתִּי אֶת-בֵּיתִינָטַשְׁתִּי אֶת-נַחֲלָתִי נָתַתִּי אֶת-יְדִדוּת נַפְשִׁי בְּכַף אֹיְבֶיהָ. יבח הָיְתָה-לִּי נַחֲלָתִי כְּאַרְיֵה בַיָּעַר נָתְנָה עָלַי בְּקוֹלָהּ עַל-כֵּן שְׂנֵאתִיהָ. יבט הַעַיִט צָבוּעַ נַחֲלָתִי לִי הַעַיִט סָבִיב עָלֶיהָ לְכוּ אִסְפוּ כָּל-חַיַּת הַשָּׂדֶההֵתָיוּ לְאָכְלָה. יבי רֹעִים רַבִּים שִׁחֲתוּ כַרְמִי בֹּסְסוּ אֶת-חֶלְקָתִי נָתְנוּ אֶת-חֶלְקַת חֶמְדָּתִי לְמִדְבַּר שְׁמָמָה. יביא שָׂמָהּ לִשְׁמָמָהאָבְלָה עָלַי שְׁמֵמָה נָשַׁמָּה כָּל-הָאָרֶץ כִּי אֵין אִישׁ שָׂם עַל-לֵב. יביב עַל-כָּל-שְׁפָיִם בַּמִּדְבָּר בָּאוּ שֹׁדְדִים כִּי חֶרֶב לַיהוָה אֹכְלָה מִקְצֵה-אֶרֶץ וְעַד-קְצֵה הָאָרֶץ: אֵין שָׁלוֹם לְכָל-בָּשָׂר.

יביג זָרְעוּ חִטִּים וְקֹצִים קָצָרוּ נֶחְלוּ לֹא יוֹעִלוּ וּבֹשׁוּ מִתְּבוּאֹתֵיכֶם מֵחֲרוֹן אַף-יְהוָה.

יביד כֹּה אָמַר יְהוָה עַל-כָּל-שְׁכֵנַי הָרָעִים הַנֹּגְעִים בַּנַּחֲלָה אֲשֶׁר-הִנְחַלְתִּי אֶת-עַמִּי אֶת-יִשְׂרָאֵל: הִנְנִי נֹתְשָׁם מֵעַל אַדְמָתָם וְאֶת-בֵּית יְהוּדָה אֶתּוֹשׁ מִתּוֹכָם. יבטו וְהָיָה אַחֲרֵי נָתְשִׁי אוֹתָם אָשׁוּב וְרִחַמְתִּים וַהֲשִׁבֹתִים אִישׁ לְנַחֲלָתוֹ וְאִישׁ לְאַרְצוֹ. יבטז וְהָיָה אִם-לָמֹד יִלְמְדוּ אֶת-דַּרְכֵי עַמִּי לְהִשָּׁבֵעַ בִּשְׁמִי חַי-יְהוָה כַּאֲשֶׁר לִמְּדוּ אֶת-עַמִּי לְהִשָּׁבֵעַ בַּבָּעַלוְנִבְנוּ בְּתוֹךְ עַמִּי. יביז וְאִם לֹא יִשְׁמָעוּ: וְנָתַשְׁתִּי אֶת-הַגּוֹי הַהוּא נָתוֹשׁ וְאַבֵּדנְאֻם-יְהוָה.