איוב25

כהא וַיַּעַן בִּלְדַּד הַשֻּׁחִי וַיֹּאמַר.כהב הַמְשֵׁל וָפַחַד עִמּוֹ עֹשֶׂה שָׁלוֹם בִּמְרוֹמָיו.כהג הֲיֵשׁ מִסְפָּר לִגְדוּדָיו וְעַל-מִי לֹא-יָקוּם אוֹרֵהוּ.כהד וּמַה-יִּצְדַּק אֱנוֹשׁ עִם-אֵל וּמַה-יִּזְכֶּה יְלוּד אִשָּׁה.כהה הֵן עַד-יָרֵחַ וְלֹא יַאֲהִיל וְכוֹכָבִים לֹא-זַכּוּ בְעֵינָיו.כהו אַף כִּי-אֱנוֹשׁ רִמָּה וּבֶן-אָדָם תּוֹלֵעָה.