תהילים101

קאא לְדָוִד מִזְמוֹר: חֶסֶד-וּמִשְׁפָּט אָשִׁירָה לְךָ יְהוָה אֲזַמֵּרָה.קאב אַשְׂכִּילָה בְּדֶרֶךְ תָּמִים מָתַי תָּבוֹא אֵלָיאֶתְהַלֵּךְ בְּתָם-לְבָבִי בְּקֶרֶב בֵּיתִי.קאג לֹא-אָשִׁית לְנֶגֶד עֵינַי דְּבַר-בְּלִיָּעַל:עֲשֹׂה-סֵטִים שָׂנֵאתִי לֹא יִדְבַּק בִּי.קאד לֵבָב עִקֵּשׁ יָסוּר מִמֶּנִּי רָע לֹא אֵדָע.קאה מלושני (מְלָשְׁנִי) בַסֵּתֶר רֵעֵהוּ אוֹתוֹ אַצְמִית:גְּבַהּ-עֵינַיִם וּרְחַב לֵבָב אֹתוֹ לֹא אוּכָל.קאו עֵינַי בְּנֶאֶמְנֵי-אֶרֶץ לָשֶׁבֶת עִמָּדִי:הֹלֵךְ בְּדֶרֶךְ תָּמִים הוּא יְשָׁרְתֵנִי.קאז לֹא-יֵשֵׁב בְּקֶרֶב בֵּיתִי עֹשֵׂה רְמִיָּה:דֹּבֵר שְׁקָרִים לֹא-יִכּוֹן לְנֶגֶד עֵינָי.קאח לַבְּקָרִים אַצְמִית כָּל-רִשְׁעֵי-אָרֶץלְהַכְרִית מֵעִיר-יְהוָה כָּל-פֹּעֲלֵי אָוֶן.