תהילים11

יאא לַמְנַצֵּחַ לְדָוִד:בַּיהוָה חָסִיתִיאֵיךְ תֹּאמְרוּ לְנַפְשִׁי נודו (נוּדִי) הַרְכֶם צִפּוֹר.יאב כִּי הִנֵּה הָרְשָׁעִים יִדְרְכוּן קֶשֶׁת כּוֹנְנוּ חִצָּם עַל-יֶתֶרלִירוֹת בְּמוֹ-אֹפֶל לְיִשְׁרֵי-לֵב.יאג כִּי הַשָּׁתוֹת יֵהָרֵסוּן צַדִּיק מַה-פָּעָל.יאד יְהוָה בְּהֵיכַל קָדְשׁוֹ יְהוָה בַּשָּׁמַיִם כִּסְאוֹ:עֵינָיו יֶחֱזוּ עַפְעַפָּיו יִבְחֲנוּ בְּנֵי אָדָם.יאה יְהוָה צַדִּיק יִבְחָן: וְרָשָׁע וְאֹהֵב חָמָסשָׂנְאָה נַפְשׁוֹ.יאו יַמְטֵר עַל-רְשָׁעִים פַּחִים: אֵשׁ וְגָפְרִית וְרוּחַ זִלְעָפוֹתמְנָת כּוֹסָם.יאז כִּי-צַדִּיק יְהוָה צְדָקוֹת אָהֵב יָשָׁר יֶחֱזוּ פָנֵימוֹ.