תהילים138

קלחא לְדָוִד: אוֹדְךָ בְכָל-לִבִּי נֶגֶד אֱלֹהִים אֲזַמְּרֶךָּ.קלחב אֶשְׁתַּחֲוֶה אֶל-הֵיכַל קָדְשְׁךָ וְאוֹדֶה אֶת-שְׁמֶךָעַל-חַסְדְּךָ וְעַל-אֲמִתֶּךָ:כִּי-הִגְדַּלְתָּ עַל-כָּל-שִׁמְךָ אִמְרָתֶךָ.קלחג בְּיוֹם קָרָאתִי וַתַּעֲנֵנִי תַּרְהִבֵנִי בְנַפְשִׁי עֹז.קלחד יוֹדוּךָ יְהוָה כָּל-מַלְכֵי-אָרֶץ: כִּי שָׁמְעוּ אִמְרֵי-פִיךָ.קלחה וְיָשִׁירוּ בְּדַרְכֵי יְהוָה: כִּי-גָדוֹל כְּבוֹד יְהוָה.קלחו כִּי-רָם יְהוָה וְשָׁפָל יִרְאֶה וְגָבֹהַּ מִמֶּרְחָק יְיֵדָע.קלחז אִם-אֵלֵךְ בְּקֶרֶב צָרָה תְּחַיֵּנִי:עַל אַף אֹיְבַי תִּשְׁלַח יָדֶךָ וְתוֹשִׁיעֵנִי יְמִינֶךָ.קלחח יְהוָה יִגְמֹר בַּעֲדִי: יְהוָה חַסְדְּךָ לְעוֹלָם מַעֲשֵׂי יָדֶיךָ אַל-תֶּרֶף.