תהילים14

ידא לַמְנַצֵּחַ לְדָוִד:אָמַר נָבָל בְּלִבּוֹ אֵין אֱלֹהִיםהִשְׁחִיתוּ הִתְעִיבוּ עֲלִילָה אֵין עֹשֵׂה-טוֹב.ידב יְהוָה מִשָּׁמַיִם הִשְׁקִיף עַל-בְּנֵי-אָדָם:לִרְאוֹת הֲיֵשׁ מַשְׂכִּיל דֹּרֵשׁ אֶת-אֱלֹהִים.ידג הַכֹּל סָר יַחְדָּו נֶאֱלָחוּ: אֵין עֹשֵׂה-טוֹבאֵין גַּם-אֶחָד.ידד הֲלֹא יָדְעוּ כָּל-פֹּעֲלֵי-אָוֶן: אֹכְלֵי עַמִּי אָכְלוּ לֶחֶם יְהוָה לֹא קָרָאוּ.ידה שָׁם פָּחֲדוּ פָחַד: כִּי-אֱלֹהִים בְּדוֹר צַדִּיק.ידו עֲצַת-עָנִי תָבִישׁוּ: כִּי יְהוָה מַחְסֵהוּ.ידז מִי יִתֵּן מִצִּיּוֹן יְשׁוּעַת יִשְׂרָאֵל:בְּשׁוּב יְהוָה שְׁבוּת עַמּוֹ יָגֵל יַעֲקֹב יִשְׂמַח יִשְׂרָאֵל.