תהילים19

יטא לַמְנַצֵּחַ מִזְמוֹר לְדָוִד.יטב הַשָּׁמַיִם מְסַפְּרִים כְּבוֹד-אֵל וּמַעֲשֵׂה יָדָיו מַגִּיד הָרָקִיעַ.יטג יוֹם לְיוֹם יַבִּיעַ אֹמֶר וְלַיְלָה לְּלַיְלָה יְחַוֶּה-דָּעַת.יטד אֵין-אֹמֶר וְאֵין דְּבָרִים: בְּלִי נִשְׁמָע קוֹלָם.יטה בְּכָל-הָאָרֶץ יָצָא קַוָּם וּבִקְצֵה תֵבֵל מִלֵּיהֶםלַשֶּׁמֶשׁ שָׂם-אֹהֶל בָּהֶם.יטו וְהוּאכְּחָתָן יֹצֵא מֵחֻפָּתוֹ יָשִׂישׂ כְּגִבּוֹר לָרוּץ אֹרַח.יטז מִקְצֵה הַשָּׁמַיִם מוֹצָאוֹוּתְקוּפָתוֹ עַל-קְצוֹתָם וְאֵין נִסְתָּר מֵחַמָּתוֹ.יטח תּוֹרַת יְהוָה תְּמִימָה מְשִׁיבַת נָפֶשׁ עֵדוּת יְהוָה נֶאֱמָנָה מַחְכִּימַת פֶּתִי.יטט פִּקּוּדֵי יְהוָה יְשָׁרִים מְשַׂמְּחֵי-לֵב מִצְוַת יְהוָה בָּרָה מְאִירַת עֵינָיִם.יטי יִרְאַת יְהוָה טְהוֹרָהעוֹמֶדֶת לָעַד: מִשְׁפְּטֵי-יְהוָה אֱמֶת צָדְקוּ יַחְדָּו.יטיא הַנֶּחֱמָדִיםמִזָּהָב וּמִפַּז רָב וּמְתוּקִים מִדְּבַשׁ וְנֹפֶת צוּפִים.יטיב גַּם-עַבְדְּךָ נִזְהָר בָּהֶם בְּשָׁמְרָם עֵקֶב רָב.יטיג שְׁגִיאוֹת מִי-יָבִין מִנִּסְתָּרוֹת נַקֵּנִי.יטיד גַּם מִזֵּדִים חֲשֹׂךְ עַבְדֶּךָ אַל-יִמְשְׁלוּ-בִי אָז אֵיתָםוְנִקֵּיתִי מִפֶּשַׁע רָב.יטטו יִהְיוּ לְרָצוֹן אִמְרֵי-פִי וְהֶגְיוֹן לִבִּי לְפָנֶיךָ:יְהוָה צוּרִי וְגֹאֲלִי.