תהילים64

סדא לַמְנַצֵּחַ מִזְמוֹר לְדָוִד.סדב שְׁמַע-אֱלֹהִים קוֹלִי בְשִׂיחִי מִפַּחַד אוֹיֵב תִּצֹּר חַיָּי.סדג תַּסְתִּירֵנִי מִסּוֹד מְרֵעִים מֵרִגְשַׁת פֹּעֲלֵי אָוֶן.סדד אֲשֶׁר שָׁנְנוּ כַחֶרֶב לְשׁוֹנָם דָּרְכוּ חִצָּם דָּבָר מָר.סדה לִירֹת בַּמִּסְתָּרִים תָּם פִּתְאֹם יֹרֻהוּ וְלֹא יִירָאוּ.סדו יְחַזְּקוּ-לָמוֹ דָּבָר רָע יְסַפְּרוּ לִטְמוֹן מוֹקְשִׁיםאָמְרוּ מִי יִרְאֶה-לָּמוֹ.סדז יַחְפְּשׂוּ עוֹלֹת תַּמְנוּ חֵפֶשׂ מְחֻפָּשׂוְקֶרֶב אִישׁ וְלֵב עָמֹק.סדח וַיֹּרֵם אֱלֹהִים: חֵץ פִּתְאוֹםהָיוּ מַכּוֹתָם.סדט וַיַּכְשִׁילוּהוּ עָלֵימוֹ לְשׁוֹנָם יִתְנֹדְדוּ כָּל-רֹאֵה בָם.סדי וַיִּירְאוּ כָּל-אָדָם: וַיַּגִּידוּ פֹּעַל אֱלֹהִים וּמַעֲשֵׂהוּ הִשְׂכִּילוּ.סדיא יִשְׂמַח צַדִּיק בַּיהוָה וְחָסָה בוֹ וְיִתְהַלְלוּ כָּל-יִשְׁרֵי-לֵב.