תהילים97

צזא יְהוָה מָלָךְ תָּגֵל הָאָרֶץ יִשְׂמְחוּ אִיִּים רַבִּים.צזב עָנָן וַעֲרָפֶל סְבִיבָיו צֶדֶק וּמִשְׁפָּט מְכוֹן כִּסְאוֹ.צזג אֵשׁ לְפָנָיו תֵּלֵךְ וּתְלַהֵט סָבִיב צָרָיו.צזד הֵאִירוּ בְרָקָיו תֵּבֵל רָאֲתָה וַתָּחֵל הָאָרֶץ.צזה הָרִיםכַּדּוֹנַג נָמַסּוּ מִלִּפְנֵי יְהוָה: מִלִּפְנֵי אֲדוֹן כָּל-הָאָרֶץ.צזו הִגִּידוּ הַשָּׁמַיִם צִדְקוֹ וְרָאוּ כָל-הָעַמִּים כְּבוֹדוֹ.צזז יֵבֹשׁוּ כָּל-עֹבְדֵי פֶסֶל הַמִּתְהַלְלִים בָּאֱלִילִיםהִשְׁתַּחֲווּ-לוֹ כָּל-אֱלֹהִים.צזח שָׁמְעָה וַתִּשְׂמַח צִיּוֹן וַתָּגֵלְנָה בְּנוֹת יְהוּדָהלְמַעַן מִשְׁפָּטֶיךָ יְהוָה.צזט כִּי-אַתָּה יְהוָה עֶלְיוֹן עַל-כָּל-הָאָרֶץמְאֹד נַעֲלֵיתָ עַל-כָּל-אֱלֹהִים.צזי אֹהֲבֵי יְהוָה שִׂנְאוּ-רָע:שֹׁמֵר נַפְשׁוֹת חֲסִידָיו מִיַּד רְשָׁעִים יַצִּילֵם.צזיא אוֹר זָרֻעַ לַצַּדִּיק וּלְיִשְׁרֵי-לֵב שִׂמְחָה.צזיב שִׂמְחוּ צַדִּיקִים בַּיהוָה וְהוֹדוּ לְזֵכֶר קָדְשׁוֹ.