Davari Hayamim Aleph 14
1 Chronicles 14 Aleppo Codex
1א וישלח חירם (חורם) מלך צר מלאכים אל דויד ועצי ארזים וחרשי קיר וחרשי עצים--לבנות לו בית 2ב וידע דויד כי הכינו יהוה למלך על ישראל  כי נשאת למעלה מלכותו בעבור עמו ישראל  {ס}

3ג ויקח דויד עוד נשים בירושלם ויולד דויד עוד בנים ובנות 4ד ואלה שמות הילודים אשר היו לו בירושלם  שמוע ושובב נתן ושלמה 5ה ויבחר ואלישוע ואלפלט 6ו ונגה ונפג ויפיע 7ז ואלישמע ובעלידע ואליפלט  {פ}

8ח וישמעו פלשתים כי נמשח דויד למלך על כל ישראל ויעלו כל פלשתים לבקש את דויד וישמע דויד ויצא לפניהם 9ט ופלשתים באו ויפשטו בעמק רפאים 10י וישאל דויד באלהים לאמר--האעלה על פלשתיים (פלשתים) ונתתם בידי ויאמר לו יהוה עלה ונתתים בידך 11יא ויעלו בבעל פרצים ויכם שם דויד ויאמר דויד פרץ האלהים את אויבי בידי כפרץ מים על כן קראו שם המקום ההוא--בעל פרצים 12יב ויעזבו שם את אלהיהם ויאמר דויד וישרפו באש  {פ}

13יג ויסיפו עוד פלשתים ויפשטו בעמק 14יד וישאל עוד דויד באלהים ויאמר לו האלהים לא תעלה אחריהם  הסב מעליהם ובאת להם ממול הבכאים 15טו ויהי כשמעך את קול הצעדה בראשי הבכאים--אז תצא במלחמה  כי יצא האלהים לפניך להכות את מחנה פלשתים 16טז ויעש דויד כאשר צוהו האלהים ויכו את מחנה פלשתים מגבעון ועד גזרה 17יז ויצא שם דויד בכל הארצות ויהוה נתן את פחדו על כל הגוים

The Aleppo Codex without Vowel Points or Punctuation Based on the electronic edition at mechon-mamre.org.

For comparative study, where possible, chapter and verse numbers on Biblos.com sites are mapped to the traditional convention used by the KJV, NASB, NIV and others.

Bible Hub

1 Chronicles 13
Top of Page
Top of Page