תהילים53

נגא לַמְנַצֵּחַ עַל-מָחֲלַת מַשְׂכִּיל לְדָוִד.נגב אָמַר נָבָל בְּלִבּוֹ אֵין אֱלֹהִיםהִשְׁחִיתוּ וְהִתְעִיבוּ עָוֶל אֵין עֹשֵׂה-טוֹב.נגג אֱלֹהִים מִשָּׁמַיִם הִשְׁקִיף עַל-בְּנֵי-אָדָם:לִרְאוֹת הֲיֵשׁ מַשְׂכִּיל דֹּרֵשׁ אֶת-אֱלֹהִים.נגד כֻּלּוֹ סָג יַחְדָּו נֶאֱלָחוּ: אֵין עֹשֵׂה-טוֹב אֵין גַּם-אֶחָד.נגה הֲלֹא יָדְעוּ פֹּעֲלֵי-אָוֶן: אֹכְלֵי עַמִּי אָכְלוּ לֶחֶם אֱלֹהִים לֹא קָרָאוּ.נגו שָׁם פָּחֲדוּ פַחַד לֹא-הָיָה-פָחַד:כִּי-אֱלֹהִיםפִּזַּר עַצְמוֹת חֹנָךְ הֱבִשֹׁתָה כִּי-אֱלֹהִים מְאָסָם.נגז מִי יִתֵּן מִצִּיּוֹן יְשֻׁעוֹת יִשְׂרָאֵל:בְּשׁוּב אֱלֹהִים שְׁבוּת עַמּוֹ יָגֵל יַעֲקֹב יִשְׂמַח יִשְׂרָאֵל.