תהילים54

נדא לַמְנַצֵּחַ בִּנְגִינֹת מַשְׂכִּיל לְדָוִד.נדב בְּבֹא הַזִּיפִים וַיּאמְרוּ לְשָׁאוּל: הֲלֹא דָוִד מִסְתַּתֵּר עִמָּנוּ.נדג אֱלֹהִים בְּשִׁמְךָ הוֹשִׁיעֵנִי וּבִגְבוּרָתְךָ תְדִינֵנִי.נדד אֱלֹהִים שְׁמַע תְּפִלָּתִי הַאֲזִינָה לְאִמְרֵי-פִי.נדה כִּי זָרִים קָמוּ עָלַי וְעָרִיצִים בִּקְשׁוּ נַפְשִׁילֹא שָׂמוּ אֱלֹהִים לְנֶגְדָּם סֶלָה.נדו הִנֵּה אֱלֹהִים עֹזֵר לִי אֲדֹנָי בְּסֹמְכֵי נַפְשִׁי.נדז ישוב (יָשִׁיב) הָרַע לְשֹׁרְרָי בַּאֲמִתְּךָ הַצְמִיתֵם.נדח בִּנְדָבָה אֶזְבְּחָה-לָּךְ אוֹדֶה שִּׁמְךָ יְהוָה כִּי-טוֹב.נדט כִּי מִכָּל-צָרָה הִצִּילָנִי וּבְאֹיְבַי רָאֲתָה עֵינִי.